Gait van deRenderklippen

De baord Vinke is in alle staten. Ze heb 'm bekeurd op een plekke waor as hee zien auto al een jaor of dàttig neer zet met de groetenisse van de suppoosten van De Graafschap. Daor hadden twee jonge vente van de plietsie niks mee te maken. Arend kon praoten as Brugman – en dat kan hee – mar ze gingen rustig deur met schrieven. De agenten hadden d'r gien weet van dat veur sommige bezukers plekke umme de auto te stallen vrie ehollen wordt. Hee is dan wel gien journalist, mar dut wel van alles in die richting en dat kunt ze in Doetinchem wel waarderen. 't Speult noe, as ik de baord geleuven mag, töt an 't Hof van Europa met scheidsrechter Bas Nijhuis as zien advekaot. Hee gunk tekeer in de bestuurskamer, mar worden stille toen ene van de mensen daor um de hand op de scholders leggen. Jan za-k mar zeggen, kwamp met een verhaal dat zelfs Vinke muusstil maken. Die was een wèke teveurten van de weg ofehaald. Niet dat 't bie um op dat moment veule teweeg bracht, want hee vergunk van de tandpiene en haosten zich nao de 'kiezensmid'. Met de hand an de wange, dat wel, in de hoape daormee de piene een bettien draaglijker te maken. Toen veur um de letters "Stoppen' opdagen waren zien eerste gedachten dàtte teveule gank in de tank had, umme 't zo mar is te zeggen. De jonge agent namp alle tied en begun met "Zo meneer…" Jan gaf um gien gelègenheid umme de prèèk of te maken want hee kreeg net weer een scheut. ,,Man, schrief mar op wa-j wilt, ik vergao van de kiespiene." 't Antwoord was verbazingwekkend: ,,Dat is voor mij weer een nieuwe smoes. Nee meneer, u was bezig met uw mobieltje. Daar neemt de wet geen genoegen mee." Jan wist niet wat hee heuren, keek of hee 't in Keulen heuren donderen en daor zat hee toch nog een best ende van of. Toen de agent veur gien reden vatbaar was vreug hee umme dan dat mobieltje mar is bie um van 't lief of uut de auto te halen, want die lag nog thuus op 't anrecht. ,,Die hebt u uiteraard weggestopt. Mijn eigen ogen bedriegen me niet." Jan wund zich op, zag alle redelijkheid verdampen en deur de opwinding was de kiespiene in ene keer vot. Mar goed ok, want 't hiel d'r nog al veur. 't Liefste had hee ezegd wat hee dacht: heb ze ok al analfabeten bieb de plietsie, mar hee hiel zich in. Dat was um zeker op nog een tweede bonne kommen te staon. Hee is toch mar deur egaon nao de kiezesmid die um van de narigheid ofehölpen hef. Hee löt 't d'r niet bie zitten en leg 't zakien neer veur de rechter. Hee hef de Tom Tom d'r al bie ehaald umme te kieken hoe hee 't beste nao de Hoge Raod kan riejen, want zo hoge zit um dit stuk onrecht. Misschiens dat hee temee veur de rechter an de linkerkante de baord Vinke krig te staon. Die hef heel Deutichem achter zich, löt hee mien weten. Misschiens dat Bas Nijhuis as advekaot de beide jonge agenten terug kan fluiten. Mar Arend hef een bettien in ebunden. Die weet wat kiespiene is en zut wel in dat zien onrecht kats verbleek bie dat van Jan en Alleman. 't Hank d'r mien dunk een bettien van af of die een rechter met een kunstgebit krig. Mar ene met gezond verstand liek van groter belang. Genog veur vandage.

Ontvank de groetenisse van GAIT.